اليوم جايبلكم مفاجئة فيلم منع من العرض

سكوووووووووت هنصووووور

تفخر شركة صلاح احمد" جولدن ماير للانتاج السينمائى العالم بأن تقدم لكم الفيلم العالمى الوطنى الجماهيرى العاطفى

وااسلاماه 2008
بطولة النجم العالمى شعبان عبد الرحيم فى دور الامير محمود
ونجمة الشاشة الفضية عائشة الكيلانى فى دور الاميرة جهاد
وحشد هائل من نجوم السينما والمسرح والتليفزيون ...

وسيبدأ تصويرة اليوووووووم

- سكووووووووووووووووووووووت هنصور .. الصوت جاهز ؟؟
- بييييب بيبب عييي عاااااااااا عووووووو جاهز يا بروف
- والصورة جاهزة جاهزة ؟؟؟؟
- كليك شااااك كليك شاك ... تمام يا بية
- والكوافير ... الكوافير خلص والا لسة ؟؟؟
- تمام يا فندم حلقت لكل الفنانين والفنانات والكومبارس كلهم عالزيرووو
- وخبراء المفرقعات .. راح وفيين هما فييــــــــ........
-بوووووم بوممممممممممممممممم
الظاهر كانوا بيجربوا المفرقعات .. بس ملحقوش يجروا بسرعة

هسسسسسس سكوووووووووووت كلاكيت .... اكشششششششششن

- يا اهل مصر .. يا اهل شبرا والعتبة وامبابة وموقف عبوووووووود .. اسمعونى .. اسمعوا حكاية ليها العجب .. الامير محمود والاميرة جهاد .. حد شافهم .. اجيبهم منين ؟؟؟

- انت يا اخينا بتدور على حد تايه منك ؟؟
- ايوة الامير محمود والاميرة جهاد
- اه شوف يا بويا .. دول كانوا ماشين من هنا من شوية .. انت تركب 2330 بتاع العتبة .وتنزل تاخد شارع الازهر للاخر او ممكن تاخد ميكروباص لحد عمك مرزوق الحلاق على ناصية الفجالة
وتحود من جنبة وتخرم من الشارع اللى قصداة اللى عند ام سمير بتاعة البيض هتلاقيهم هناك بيلعبوا بلاىستيشن

- طيب شكرا ....انتى فيين يا جهااااااا د
- سلامة انا هنا يا سلامة ...... انا هنا يا سلامة
- هنا فيين يا جهااااااااد
- انا هنا انا ومحمود .. هنخلص الجيم اللى معانا ونزالين على طوول ؟؟
- جيم اية بس .. التتار على الحدود الحقوا انزلوا اعملوا حاجة ..
- التتار ؟؟ التتار ؟؟؟
- دول وصلوا دلوقت على اول بورسعيد ..
الامير محمود انفعل من الحدث وبيغنى

انا بكرة التتار ....واقولها لو اتسأل
انشالله اموت حمار .... او اخش المعتقل
المعتقل اااااة المعتقل......... اية المعتقل
بحب اقطاى وايبك ..... واكرة هولاكو افندى
عشان فاحت نويبك ..... واخبارك جايه عندى
جية عندى ... اييية .. جية عندى ايييييية
لا تقول تتار اجانب دنا مصرى وببلدى ادرى
مصرواى حديد وجامد ولا لية فى الفياجر ا
فيجارا .... فياجرا .... اييية فيجاراا
انا عندى بنطلون ... فية مزء ورقعتين
وسنجة بلدى اصلى ... وبشلة ليها حدين
حددين اةةةةة ... حدين ... ايوة .. حدين ...
لا تقولى حرب وعركة وحصار من التتار
انا طالع اهوه عليهم ومعايا مية نار
مية نااااار ايوة .... ماياة ايييييييييييييييية

ستووووووووب ...

المشهد التانى ... جيوش التتار بقيادة هولاكو واقفين فى جمرك بورسعيد ومش عارفين يدخلوا

- انا هولاكو خان قائد الجيش الذهبى المنتصر ومحطم الجيوش اقف فى الجمرك ...
- هتعملى هولاكو ..هتعملى نابليون .. برضة هتتجمرك انا مأمور الجمرك هنا ومفيش دبانة بتفوت منى انت فاهم ولا لأ ... شكلكوا كدة تجار شنطة
- اية الجيش الذهبي التتارى بقى تجار شنطة . ؟؟
- انتوا جايين منين اساسا ؟؟
- احنا تتار وجينا من اسيا والصين وا...
- اهو انت اعترفت اهوه جاى من الصين اكيد معاك اطقم صينى واجهزة كهربائية .. طلعوا الحاجة احسن ودينى وايمانى ابهدلكم . بسم الله ماشاء الله شايلين شيئ وشويات اهوه .. ادفعوا بقى ..
- بس احنا جايين نحتل مصر كلها وننهبها ...ونحرقها
-والله مش مشكلتى يا سيد .. انت هنا تتجمرك وتخش جوه الجيش يتصرف معاك ادفع وبعد كدة اشتكى
- افففففف ... والعمل يا رجالة .؟؟ هنعمل اية
-اتصل بالريس جنكيز خان وهو هيتصرف
-اتصل بية ازاى .. شبكة الصين واقعة .. والموبايل بتاعى مش جايب شبكتنا تتاربينيل جى اس ام
- حاول تصرف يا ريس انا رجليا نملت من الواقفة ...
-استنوا .. اهى جابت شرطة .. ااالو الو ايوة .. جنكيز باشا ؟؟ محسوبك هولاكو ابن حسنين خان المكوجى معاك .. الموضوع معقد هنا مع واحد غلس فى مصر ..و,,, و,,,,
عفوا .. لقد نفذ الرصيد .. يمكنكم شحن ...............

- هااا قاللك اية ؟؟
- قال ظبط امورك وفوت له حاجة .. كدة وانت تدخل ..
- اية رشوة ... لاااااااااااااااااااااااااااااااااااااااااااااااااااااااااااااااااااااااااا لازم تدفعوا الجمرك

ستووووووووووووووووب .... المشهد التالت

الامير محمود والاميرة جهاد فى قاعة العرش

- مولاى الامير ... رسول التتار على الابواب
- خلية يدخل ... اتفضضضل ..
- انا رسول التتار يا امير محمود ... يرضيك اللى عملوة فينا فى الجمرك دة ؟؟؟
- اية اللى حصل ؟؟؟
- مكانش معنا فلوس للجمرك وخدوا هدومنا .. بص من الشباك هتلاقى الجيش كله بالملابس الداخلية
- طب مش ها تحاربونا ... ؟؟ زى ما حصل فى الفيلم ؟؟
- نحاربكم ميين يابا ... واحنا جايين خدوا نصنا فى البوكسات .. افتكرونا اداب .. والباقين حبة تاهوا وحبة راحو السيما عشان يتفرجوا على الفيلم الجديد وحبة خدوهم مستشفى المجانيين وحبة راحوا كوكى بارك ... ومش فاضل غير الشوية اللى برة دووول

- وعايزنى اعملكوا اية دلوقت ؟؟؟
- يعنى حتة شهامة منك سلفنا كل واحد جوز جنيهات عشان نشوف ميكروباص يطلعنا على الصين تانى
- كل واحد جوز لحاليح ؟؟... لا كتيير انزل موقف عبود واتصرف بنص جنية كل واحد
- اي حاجة عبوود عبوود .. مش برضة يروح الصين ؟؟؟
- اة لو لف من الكيت كات وخرم على صلاح سالم ممكن .....

النصر لنا ... انتصرنا على التتار يا سلامة ... سلامة ...سلامة تاااااااااااااااااااااة
يا سلامـــــــــــــــــــــــه .. يا ولاد الحلال محدش شاف سلامة
- اة الراجل العجوز .. شفتة برة داخل كبارية فى شارع الهرم وبيقول الجوارى الجوارى

اغنية الانتصار
وكسبنا التتار والحرب خلاص مفيش
وانا رايح عالدوار واكل فراخ وعيش
وعيش اييية ... اةةة عيشششش ايوة وعيش
دة هولاكو لما مات الشعب كان سعيد
وانا اروح افسح ولادى واخدهم عالصعيد
الصعيد اييييى الصعيد اهووووووووةةة ايةةةة

ستوووووووووووووووووووووب ..... نزل النهاااااااية